Hindi ko alam kung bakit ko naisip ang asignaturang ito. Di ko rin alam kung anong pumasok sa aking utak at naisip ko si Jose Rizal. Lingid sa kaalaman ng marami, si Rizal ay isang Chickboy. Patawarin sana ako ni Rizal o ng kanyang mga magulang, Don Kikoy at Donya Lolay.

Noong ipinanood namin ang isang palabas na nag-uugnay sa buhay ni Rizal, nalaman namin na si Rizal ay naka-ikot na sa mundo. Nakaiinggit mang sabihin, pero iyon ang katotohanan. Sa bawat lugar na kanyang paroroonan, ay may mga babaing nagpatibok rin sa kanyang puso.

Sino ba namang hindi makakalimot sa kanyang unang pag-ibig na si Segunda Katigbak? Sa bokabularyo ng ingles iyon lamang ay isang 'puppy love'. O si Leonor Valezuela? Na pinadalhan nya ng mga sulat- at ang ginamit nya pang panulat ay isang 'invisible ink'(iyong nauuso na ngayon) para silang dalawa lamang ang makababasa! Tindi ah.

Ngunit, isang Leonor parin ang inibig nya, at mas matindi 'toh, dahil pinsang buo nya. Si Leonor Rivera, inibig nya ng labing isang taon. Alam nyo bang si Leonor Rivera ang modelo ni Rizal para mabuo nya ang katauhang si Maria Clara? Magpinsan pa, mag-nobyo't nobya pa.

Si Consuelo Ortega ang sumunod kay Leonor Rivera, at dumating rin si O Sei San. Isang Haponesa, maganda, sa aking pagkakakita sa kanyang litrato. Kamukha nya si Zhang Zhi yi kung pagbabasehan sa kasalukuyang panahon.

Sinundan pa ito niGertrude Beckett na taga-London. Si Nellie Boustead taga-Europa rin, na niligawan rin ni Antonio Luna at sila'y nagduwelo pa dahil sa babaeng ito. Suzanne Jacoby na taga-Brussels at isa pang Suzanne, Suzanne Jacoby na di ko na masundan kung san nagnggaling, dahil sa dinami-daming babae.

At ang suwerteng si Josephine Bracken, isang Ingles na napangasawa ni Rizal.

Ayan, at naitala ko rin ang kanyang mga babae, mga 'chicks' sa modernong tawag. Aking naisip na puwede palang maging bayani ang isang 'ladies' man'. Naisip ko ri na ka-level ni Rizal sina Brad Pitt, Tom Cruise o Jude Law.

Mabuhay si Jose Rizal, ang pambansang Chickboy! :))

1 had their say | have yours?